”Жывая повязь часоў”

“Жыццялюб, фантазёр і рамантык відушчы

Не сябе шанаваў, не сабой даражыў –

Са стагоддзяў ён нёс, нібы з чорнае пушчы

Кветку матчынай чыстай душы…

Чарадзей легендарнае волі і сілы,

Ён чароўную кветку, як вока, бярог.

Смерць раптоўна, як колас, пад корань скасіла,

Ён – як колас – яе перамог.“

Уладзiмiр Караткевiч - таленавіты паэт, празаік, драматург, публіцыст, літаратурны крытык, перакладчык і сцэнарыст. Ён прыйшоў да нас 93 гады таму, 26 лiстапада 1930 года, з Оршы, каб пакiнуць свае сляды на шляхах роднай Беларусi, каб вывучыць кожны яе куточак i перадаць нам у спадчыну праз неўмiручыя творы. Навучэнцы каледжа і госці наведалі літаратурную гасцёўню ”Жывая повязь часоў”, прысвечаную жыццю і творчасці Уладзіміра Караткевіча.

Госці свята ўбачылі тэатральныя ўрыўкі з твораў таленавітага пісьменніка, пачулі біяграфічныя звесткі і вершы Уладзіміра Сямёнавіча.